God sommar og framdrift på Tremarked.no
Denne våren og sommaren har vi jobba intensivt med prosjektet Digital Markedsplass. Administrasjonen tek no ein liten sommarpause og er tilbake på kontoret 20. juli. Arbeidet med TreMarked.no held fram etter sommarferien.
TreMarked.no
Vi utviklar ein Digital Marknadsplass for skog- og trenæringa som skal gjere det enklare for skogeigarar, transportørar, skogsentreprenørar, sagbruk og andre aktørar å finne kundar, leverandørar, produkt og tenester.
Målet er å skape ein effektiv koplingsarena som styrkar samarbeid og verdiskaping basert på lokale råvarer. Ein digital marknadsplass kan gi små og mellomstore aktørar betre moglegheiter til å utvikle nye lokale og regionale verdikjeder, og bidra til auka bruk av tre og trebaserte produkt.
Hovudmålet i prosjektet er å etablere ein funksjonell digital marknadsplass for skog- og trenæringa innan 15. oktober 2026.
No lar vi humla suse ei lita stund og ønsker alle ein riktig god sommar. Vi ser fram til å halde fram det viktige arbeidet med Tremarked.no etter ferien!
